अर्थ ›› पाण्याच्या थेंबाथेंबाने हळूहळू घट भरतो त्याचप्रमाणे सर्व विद्या, धर्म आणि धनाच्या बाबतीत आहे.
आणि हेच तत्व संग्रहाच्या बाबतीत पण लागू ठरते. संस्कृत भाषा, जी आपल्याला आपली परंपरा शिकवते, आपली संस्कृती शिकवते तीच भाषा आजच्या युगात लोप पावत आहे. संस्कृत भाषेनी आपल्याला अनेक रचना दिल्यात ज्याच्या फलस्वरूप अनेक पौराणिक ग्रंथ तयार झाले. तशीच अनेक सुभाषिते हि दिली. असाच एक संस्कृत ब्लॉग पण समजेल अश्या मराठी भाषेत मिलिंद दिवेकर ह्यांनी सादर केला आहे. संस्कृत सुभाषिते [अर्थासकट]संस्कृत आणिमराठी ह्या दोन भाषेंचा संगम ह्या ब्लॉग वाचताना अनुभवता यईल.
संपूर्ण मानवसृष्टी पृथ्वीवर वसलेली आहे. पृथ्वी जीवसृष्टीच्या विकासातील एक महत्वाचा घटक तर आहेच, पण ह्या शिवाय आपल्या सूर्यमालिकेतील सूर्य, चंद्र, शुक्र, बुध आणि इतर ग्रह, तारे, उपग्रह इ. सृष्टी निर्मितीचे बांधील घटक आहेत, म्हणजेच ह्या सर्वांचा एकत्रित प्रभाव हा आपल्या मानवीय जीवसृष्टीवर होत असतो. हे खगोलशास्त्राद्वारे आपण जाणून घेऊ शकतो. असाच एक खगोल विश्वावर शास्त्रीय दृष्टीकोनातून प्रकाशझोत टाकणारा, सागर भंडारे ह्यांचा ब्लॉग खगोल विश्व.
फिनिक्स, एक असा पक्षी जो त्या तेजस्वी सुर्यावर प्रेम करतो आणि आकाशात झेप घेतो, उंच..उंच.. अजून उंच.. पण सूर्याच्या प्रखर तेजाची झळ त्याचे नाजूक पंख सोसू शकत नाही. ज्याच्या सहाय्याने आज तो इतक्या उंच पोहोचला होता, त्याच पंखांच्या राखेत निपचित पडून राहतो हा. वाट पाहतो, पुन्हा आकाशात क्षेप घेण्याची. स्वतःच्या पंखाच्या राखेतून पुन्हा आसमंतात झेपावणारा हा अग्निसखा आणि तसाच क्रांती ह्यांचा कवितांचा ब्लॉग अग्निसखा. एक आशावादी, उत्स्फुर्त ब्लॉग.
संगीत.., माणसाच्या जीवनातला एक अविभाज्य घटक. मग ते चित्रपट-संगीत असो किंवा एखाद्या album मधील असो, संगीताची दुनिया आपल्यला नेहमीच मोहून घेते. काळ बदलला तसे संगीतही बदलले. नव्या युगासोबत जाताना नवीन संगीताशी गट्टी करायला हवी, नाही का?त्यासाठीमराठी संगीत प्रेमीहा ब्लॉग घेऊन सागर येत आहेत नव्या युगातील नवीन संगीताचा नजराणा, खास संगीत प्रेमींसाठी.
अक्षरांचे भाव अचूक टिपणं हि देखील एक कला आहे. प्रत्येक अक्षराचा एक भाव असतो. त्या अक्षराचा भाव समजून निर्माण होते ती अक्षराची भावना. आणि मग काय, अक्षरेच बोलू लागतात आपल्याशी. कविता, उतारे ह्यांच्या साक्षीने साकारलेली, त्या अक्षरांमधल्या वेगवेगळ्या भावनांची लयबद्ध मांडणी श्री. लिमये ह्यांच्या Calligraphic Expressions...by B G Limaye ह्या ब्लॉग मधून दिसते.
|| ओम श्री गुरुदत्तात्रेय श्रीपाद श्री वल्लभय नमः ||
आज गुरुवार, श्री दत्तगुरूंच्या कृपेनी सुरु झालेला हा मराठी ब्लॉग अर्पण, दत्तभक्तांसाठी एक पर्वणीच ठरू शकेल. दत्तगुरूंच्या अनेक लीलांचे दर्शन शब्दरूपानी ह्या ब्लॉगवर संग्रहित केलेले आहे.
समाजामध्ये वाढत असलेले गुन्हे, गुन्हेगार ह्यांच्यावर नियंत्रण ठेवण्यासाठी एक महत्वाची कडी असते पोलीस-यंत्रणा. वेळोवेळी वृतपत्र, संगणक, दूरदर्शन माध्यमातून अनेक माहिती-साधने आपल्याला ह्या पोलीस-यंत्रणेशी आमने-सामने करून देतातच. हि झाली नाण्याची एक बाजू, पण ह्याच नाण्याची दुसरी बाजू, जी आपल्या समोर क्वचितच येते तीच बाजूविजयसिंह होलम ह्यांच्या पोलिसनामा ह्या ब्लॉगमधून दाखवण्याचा प्रयत्न केला आहे.
कथा ह्या माणसाच्या जीवनाचा एक अविभाज्य घटक म्हंटला तर अतिशोयोक्ती होणार नाही, कदाचित.. कारण एक काळ होता, जेव्हा pocket - money मधले पैसे वाचवून लायब्ररी लावायची आणि कथा- कादंबऱ्या पिजून काढायच्या. कधी पौराणिक, कधी सामाजिक, कधी suspense- thrill. ह्याच कथा आपल्याला घडवत असतात. कथा - कादंबरी मध्ये वाचलेले नायक, नायिका, इतर पात्र इतकच काय पण काही प्रसंग हि आपल्याला आपलेसे करणारा हा ललित साहित्याचा एक प्रकार आहे. मग अश्या कथा - कादंबरी ह्या ई - युगात कुठे ? असा प्रश्न आपल्याला सहज पडू शकतो. पण नाही, कांचन कराई ह्यांचा मोगरा फुलला हा ब्लॉग कथाप्रेमी वाचकांसाठी कथासंग्रह उपलब्ध करतो.
आठवलं.. ?? बालभारती ह्या पुस्तकातली एक कविता. हि आणि अश्या अनेक कविता आपल्याला पुन्हा मागे नेतात, त्या बालपणीच्या रम्य जगात. ह्या कवितांशी जडलेलं आपलं शालेय नातं आठवल्याखेरीज राहत नाही. त्या कविता पाठ करणे, पाठ करता करता चुकणे, इतकाच काय तर त्या कविता पाठ होत नाही म्हणून खाल्लेले धम्मक लाडू देखील आठवतात. आपले ते बालपणीचे हरवलेले क्षण सुरेश शिरोडकर ह्यांच्या बालभारती - मराठी कविता ह्या ब्लॉगने जपण्याचा सुंदर प्रयास केला आहे.
एक अतिशय सुंदर आणि लयबद्ध शब्दांची मैफिल, असावी असा हा ब्लॉग आहे. कौशल. श्री. इनामदार ह्यांच्या विचारातून प्रकटलेली हि शब्दरचना आहे. संगीतक्षेत्रातल्या वाटचाली सोबत स्वतः अनुभवलेल्या क्षणांचे उत्तम सादरीकरणाची हा ब्लॉग साक्ष देतो.