पु.ल.प्रेम

व्यथा असो आनंद असू दे

प्रकाश  किंवा तिमिर असू दे

पोलिसनामा

समाजामध्ये वाढत असलेले गुन्हे, गुन्हेगार ह्यांच्यावर नियंत्रण ठेवण्यासाठी एक महत्वाची कडी असते पोलीस-यंत्रणा. वेळोवेळी वृतपत्र, संगणक, दूरदर्शन माध्यमातून अनेक माहिती-साधने आपल्याला ह्या पोलीस-यंत्रणेशी आमने-सामने करून देतातच. हि झाली नाण्याची एक बाजू, पण ह्याच नाण्याची दुसरी बाजू, जी आपल्या समोर क्वचितच येते तीच बाजू विजयसिंह होलम ह्यांच्या पोलिसनामा ह्या ब्लॉगमधून दाखवण्याचा प्रयत्न केला आहे.

मोगरा फुलला

कथा ह्या माणसाच्या जीवनाचा एक अविभाज्य घटक म्हंटला तर अतिशोयोक्ती होणार नाही, कदाचित.. कारण एक काळ होता, जेव्हा pocket - money  मधले पैसे वाचवून लायब्ररी लावायची आणि कथा- कादंबऱ्या पिजून काढायच्या. कधी पौराणिक, कधी सामाजिक, कधी suspense- thrill. ह्याच कथा आपल्याला घडवत असतात. कथा - कादंबरी मध्ये वाचलेले नायक, नायिका, इतर पात्र इतकच काय पण काही प्रसंग हि आपल्याला आपलेसे करणारा हा ललित साहित्याचा एक प्रकार आहे. मग अश्या कथा - कादंबरी ह्या ई - युगात कुठे ? असा प्रश्न आपल्याला सहज पडू शकतो. पण नाही, कांचन कराई ह्यांचा मोगरा फुलला हा ब्लॉग कथाप्रेमी वाचकांसाठी कथासंग्रह उपलब्ध करतो. 

बालभारती - मराठी कविता

आनंदी आनंद गडे,
इकडे-तिकडे चोहीकडे... 

अ अ आई , म म मका 

मी तुझा मामा , दे मला मुका...

आठवलं.. ?? बालभारती ह्या पुस्तकातली एक कविता. हि आणि अश्या अनेक कविता आपल्याला पुन्हा मागे नेतात, त्या बालपणीच्या रम्य जगात. ह्या कवितांशी जडलेलं आपलं शालेय नातं आठवल्याखेरीज राहत नाही. त्या कविता पाठ करणे, पाठ  करता करता चुकणे,  इतकाच काय तर त्या कविता पाठ होत नाही म्हणून खाल्लेले धम्मक लाडू देखील आठवतात. आपले ते बालपणीचे हरवलेले क्षण सुरेश शिरोडकर ह्यांच्या  बालभारती - मराठी कविता  ह्या ब्लॉगने जपण्याचा सुंदर प्रयास केला आहे.

क्षितिज जसें दिसतें

क्षितिज जसें दिसतें तशी म्हणावी गाणी...  

एक अतिशय सुंदर आणि लयबद्ध शब्दांची मैफिल, असावी असा हा ब्लॉग आहे. कौशल. श्री. इनामदार ह्यांच्या विचारातून प्रकटलेली हि शब्दरचना आहे. संगीतक्षेत्रातल्या वाटचाली सोबत स्वतः अनुभवलेल्या क्षणांचे उत्तम सादरीकरणाची हा ब्लॉग साक्ष देतो.